Plantun de Prouvènço

Pèr coumpara dos planto d'encò nostre

Picris hieracioides & Leontodon hispidus subsp. hyoseroides

Escuro-gorjo

Picris hieracioides

Asteraceae Compositae

Àutri noum : Esparello, Erbo-pelouso.

Nom en français : Picride fausse épervière.

Descripcioun :
Planto un pau grando e bourrihudo, rejo, di fueio estrecho, aloungado e un pau loubado que s'atrobo dins tóuti li terro faturado (marrido erbo) e aiours dins li champ e lis erme. Se recounèis subretout à si tèsto de flour jauno coumpausado emé li bratèio que s'escarton sus li coustat. Lou fru (akene), emé de costo, èi quasi dre.

Usanço :
Se counèis pas d'usanço particuliero d'aquelo planto di fueio proun espèsso, ço qu'a bessai douna lou noum d'escuro-gorjo pèr aquéli qu'an assaja de la manja.

Port : Erbo
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Picris
Famiho : Asteraceae
Famiho classico : Compositae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Champ
Estànci : Pancaro entresigna
Couroulougi : Pancaro entresigna
Ref. sc. : Picris hieracioides L.,1753

Moulin-de-prat

Leontodon hispidus subsp. hyoseroides

Asteraceae Compositae

Àutri noum : Moulin-de-prat(-d'esboudèu), Mounge.

Noms en français : Liondent des éboulis, Liondent hispide.

Descripcioun :
Aquéu moulin-de-prat trachis en mato dins lis esboudèu de mountagno. Aquesto subsp. hyoseroides a de fueio pu prefoudamen descoupado que la subsp. hispidus que resto en plano, dins li champ. Coumpara emé la subsp. hispidus. Lou papus (paro-toumbant) èi d'un blanc brun au contro de lou de Scorzoneroides montana, blanc pur.

Usanço :
Li fueio, emai siegon pas di mai goustouso, soun manjadisso crudo o cuecho. Li racino podon servi en plaço dóu cafè .

Port : Erbo
Taio : Pancaro entresigna
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Leontodon
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno
Petalo : >6
Ø (o loungour) flour : 1,5 à 2 cm
Flourido : Printèms - Estiéu - Autouno

Sòu : Ca
Autour basso e auto : 0 à 2200 m
Aparado : Noun

Liò : Esboudèu - Roubino de mountagno
Estànci : Subaupen à Aupen
Couroulougi : Pancaro entresigna
Ref. sc. : Leontodon hispidus subsp. hyoseroides (Welw. ex Rchb.) Gremli, 1885

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Picris hieracioides & Leontodon hispidus subsp. hyoseroides

Coumpara Escuro-gorjo emé uno autro planto

Coumpara Moulin-de-prat emé uno autro planto